चुकली दिशा तरीही...

चुकली दिशा तरीही
हुकलें न श्रेय सारे;
वेड्या मुशाफ़िराला सामील सर्व
तारेमी चालतो अखंड, चालायचे म्हणून;
धुंदीत या गतीच्या सारेच पंथ प्यारे.
डरतात वादळांना जे दास त्या ध्रुवाचे;
हें शीळ तोडले कीं अनुकूल सर्व वारे!
मग्रूर प्राक्तनाचा मीं फाडला नकाशा;
विझले तिथेंच सारे ते मागचे इशारे.
चुकली दिशा तरीही आकाश एक आहे,
हें जाणतो तयाला वाटेल तेथ न्यारे.
आशा तशी निराशा, हें श्रेय सावधांचे;
बेसावधांस कैसे डसणारे हे निखारे.

पु॰ ल॰ देशपांडे

आपल्या जवळ जे नाहीत्याचीच मानवी मनाला ओढ असतेसर्वच मनं सारखी घडत नसतातम्हणून वास्तविकतेला स्वप्नाची जोड असते .........
*****************************************************************
"जगात वेदना जितकी सुंदर बोलते, तेवढं सुख नाही बोलत. सुख माणसाला मुकं करतं, वेदनेच्या पोटी सुंदर बोलणं येतं,नाही ? ’’
- पु॰ ल॰ देशपांडे

मित्रांनो तुमच्यातही एक बबन आहे

मिस्टर अँड मिसेस बबन,
हे एक जोडपं भन्नाट होतं...
तिचं वजन सत्तरच्या वर,तर त्याचं फक्त पन्नास होतं!
ती होती मस्त गुळाची ढेप,
बबन नुसताच काटकुळा ऊस...
मिस्कीलपणे त्यांच्या जोडीला,
लोकं म्हणती "उंदीर आणि घूस"!

एकदा तिने बबनला विचारलं,
माझी वाटते का रे तुला लाज?
हसून बबन म्हणाला तिला,
परत बोलू नको, बोललीस जे आज!
बारीक वा जाडी तू माझी आहेस,
तुझ्याशीच गुंफला प्रेमाचा धागा आहे...
कितीही आकार वाढला तुझा तरीही,
हृदयात मावशील एवढी जागा आहे!
उत्तर ऐकून ती फार सुखवली,
आनंदाने तिची हास्यलाली फुलली...
तुम्हाला वरलं हे माझं सौभाग्यचं आहे,
पुन्हा पुन्हा ती हे प्रेमाने बोलली!

मित्रांनो तुमच्यातही एक बबन आहे,
कदाचित झोपला असेल, त्याला जागवा...
आणि बायको कित्तीही वाढली तरीही,
बबनप्रमाणेच तिला प्रेमाने वागवा!
बबनप्रमाणेच तिला प्रेमाने वागवा!!
बबनप्रमाणेच तिला प्रेमाने वागवा!!!
कवि--अज्ञात

My First Blog

Hi this is my first blog..
This is my favourite poem--
जपत किनारा शीळ सोडणे नामंजूर
अन वा~याची वाट पहाणे नामंजूर
मी ठरवावी दिशा वाहत्या पाण्याची
येईल त्या लाटेवर डुलणे नामंजूर
मला ॠतुंची साथ नको अन कौल नको
मला कोठल्या शुभ शकुनांची झूल नको
मुहूर्त माझा तोच ज्या क्षणी हो इच्छा
वेळ पाहुनी खेळ मांडणे नामंजूर
माझ्या हाती विनाश माझा कारण मी
मोहासाठी देह ठेवतो तारण मी
सुंदरतेवर होवो जगणे चक्काचूर
मज अब्रुचे थिटे पहाणे नामंजूर
रुसवे फुगावे भांडण तंटे लाख कळा
आपला तुपला हिशोब आहे हा सगळा
रोख पावती इथेच द्यावी अन घ्यावी
गगानाशी नेणे गा~हांणे नामंजूर